J Press

見到阿仔咁既造型，父母都幾擔心。

2009/04/23 19：53 bb 出世啦 3.66kg

第七天了，目地只有一個 – 再去不老不死溫泉。 早上遲了起床，吃唔到東橫的免費早餐。 由秋田沿海邊一直開車往艫作。 走左去男鹿一個叫入道崎的地方吃午餐 (今日沒有吃早餐呀~~)。吃了一碗熱熱的拉麵。 到左不老不死啦. nishizawa san 重一樣咁 nice, 今次佢重 free upgrade 左間和洋室俾我。真係多謝晒!! 4點左右出左去海邊浸溫泉，一齊浸個幾個日本人又係好健談，佢地係由大阪過來。我就同佢講呢次係第二次不黎不老不死，同埋剛由北海道玩到過黎. 之後重一整影相. 男人老狗，赤條條踎低揸機影相… hahaha 不老不死酒店都有d唔同左，出去露天風呂段路起左新館。 晚餐到啦… nishisawa san 重安排送左一支白酒俾我，真係超多謝… 野食都好過上一次.. 真係有進步!!! 食完野例牌浸多次… 今次就只浸大浴場…之後就 ZzZzzz

第五天了，今天最主要都係去銀山溫泉既能登屋旅館。好多謝阿珍幫我call能登屋 triple confirm 我個 booking. thanks 上午在札幌西武買左少少野就離開北海道，乘坐內陸機往仙台。 下午到達仙台就直接在機場取車，開始我地東北段既旅程。 今次東北之旅既係一直由仙台向北玩到青森，重點包括: 1) 銀山溫泉宿一宵 (上次去東北時冇去到， helen 好想去，所以今次 plan 行程時首要補番既就係銀山溫泉) 2) 藏王樹冰 3) 再次不老不死 第一站去銀山溫泉 途經天童，尾花沢開往銀山，中間有一段路因冬期封閉，要行第二條路，但都可以在晚上六點左右到達。 東北冇北海道咁凍，有成 -3度左右。但都好大雪。 條溫泉街真係好鬼死似千與千尋個溫泉街，重要夜晚到… 好有feel呀.. 我地住既銀山溫泉既能登屋旅館係網友琪蓮極力推薦o既，佢重話係佢住過咁多溫泉旅館最正個一間咁話。 而能登屋亦有超過一百年歷史，阿信的故事都係呢樹拍過ga. 旅館經理雖然英文十分麻麻，但都好親切誠懇+努力咁向我講解。服務員都好有禮貌，住溫泉酒店真開心。 check-in 完就上房，之後就準備衝去浸溫泉。成年有多冇沒浸啦… 浸完溫泉，返入房之後，部屋食都準備好了。美味精緻的懷石料理。 吃完晚飯坐一陣之後，我當然要浸多一次溫泉啦，haha~~ flickr photos

第六天了，早上起床吃過早餐之後，再浸多一野, haha。 在溫泉街行下，影下相，買下手信，就回旅館準備 check out， 旅館有個老婆婆在玄關跟我們道別，重送上一包昆布茶給我們。 因停車場離開旅館比較遠，旅館亦安排一個員工幫我將行李推去停車場，而經理就在門外跟我們揮手道別。26000yen 一泊兩食，咁既誠懇服務，正。琪蓮果然無介紹錯。 開車去藏王啦。上山啦… 但山上好大風雪呀，咩都睇唔到… 在山上行左一陣，就返入食堂坐低飲杯熱飲。好暖~~~ 好失望， 但冇所謂啦，決定去本來唔一定去既地方米沢吃牛肉，wakaka。 米沢黃木亦係琪蓮推介，今次都係如佢所講: "丫?, ,去唔到米澤tim………. 你看情況啦, 如果天氣惡劣, 好大風雪既話, 就可以縮短停留係藏王既時間了" 開左成個鐘車去到黃木昆沙門， 點了兩份最貴的套饗 (Shabu Shabu 同 Sukiyaki 各一)。好正… 今日食左我生平最貴既下午茶…(但其實兩天都沒有吃午餐)。 吃完米沢牛，今日要開成400幾公里去秋田。間中好大雪，但我一路都開得好快。最彼一段三百幾公里,由福島飯坂至秋田出口，只用了3小時10幾分。雪地來講應該叫好快了。 晚上在秋田東橫住，在便利店買杯麵，這就是晚餐。

第四日了，今天亦係在北海道遊玩的最後一天。上午在美瑛盡最後努力，探多兩棵樹。 10點去埋拓真館買多一本寫真集同DVD，就開始開車離開美瑛。我看著時鐘，決定去小樽。 差不多到小樽時，又是超大雪。根本路都睇唔到… 高速公路最後一段又封埋．．． 到小樽了。 灰白色的小樽我第一次見，天氣很冷很冷，買了一碗熱騰騰的蟹湯，唔算好味但好溫暖呀．．． 之後就找了一家價錢很平的店吃海鮮蓋飯，抵．．． Helen 她想買買玻璃，我們去了北一硝子。 老實講我倆也不太喜歡現在的小樽。北一硝子竟然有 Made In Turkey 的玻璃擺設… @@ 但在北一看到有一系列的玻璃好靚好靚，隻兔仔好ｃｕｔｅ．．．　從杯的外面自可看到兔仔在月亮入面呢！但館內不可拍照，不可拍下紀念．．． 在小樽買了很多手信及小食，收到玻璃薰衣草的朋友們，千祈唔好話我地痴線。哈哈！ 時間差不多要回札幌還車了。先車 Helen 到酒店姐并放下行李，而我就開往ｔｏｙａｔａ　還車，然後步行回酒店。 晚上往狸小路，薄野一帶覓食。找了很久才找到書內介紹的店，但最後看到門面還是放棄了，太ｌｏｃａｌ了怕溝通唔到．．．最後隨便找了一家吃成吉思汗的店吃羊肉。 吃完就行番酒店，在寒冷的天氣下行左很多路，好凍呀！！！

早上起床梳洗後，在民宿吃了一個早餐。真係如大力所言，俾窗外風景襯托下，普通的早餐都變得正d。 窗外真的很美。 出發前諗住同女主人講今晚打算不在 PENSION 內吃晚飯，但佢話到達左就唔可以 CANCEL DINNER，我都明白到佢地可能已經準備了食材，所以唔俾 CANCEL.. . 但咁樣係唔係太唔 FLEXIBLE 呢? 哎，唔可以在外面吃晚飯，少了一個食其他野既機會 : ( 之後又開始 2006 Summer Hills 續篇 之 2008 Winter Hills 之旅。 先來個 Ken & Mary，北西之丘, Mild Seven 之丘, 親子之木，成年有多冇見，minasanwa ogenki desuka? 美馬牛小學校妳依然係咁既樣，冇變呢… 但我就行唔到去操場影你的側面… 大雪下好多 photo point 都同夏天唔同，很難行番去同一個位置再幫你們拍照…嘻 嘻. 上午探完老朋友之後就開車去富良野食飯。 在書內找了一間吃咖哩飯的食堂，在這家朝日之家內點了兩個不同的咖哩蛋飯，外面很冷，熱騰騰的飯好好味 呀. D 蛋好滑好好味呀~~ (這家店有很多阿 Rain日的 相片及海報.. 相信老闆娘一定很喜歡阿 Rain :S ) 吃過午餐就開始我在富良野其中一個重點任務 [...]

一早食完酒店既 Buffet 早餐之後就到札幌 Toyota 取車。 之後即刻開車經 HIGHWAY 去旭川旭山動物園，沿途超大雪，第一次雪地開車，行落都覺得好穩定，開120-130km/h 都冇問題， 好爽… 當然如果超大雪個 陣當然要開慢d啦。 但公路上會突然出現 "安全車"咁既車… 當場成條車龍排隊慢駛。 旭山動物園 D 企鵝、北極熊好 Cute …哈哈。 臨走係旭山動物園內買左個耳罩… 對耳當場暖左好多… 出發前o係香港都係冇時間買.嘻嘻.. 兩點左右去完旭山動物園就帶老婆去富良野食上次我一個人去既時候食過既生和牛飯 (經典日劇 《北國之戀》都係呢處拍過 ga)。 D 生牛肉既油脂、醬油、薑末 又一次令我感動… 正呀… 點解係門前影相，雪花竟然出然一個心型… haha , so fun 四點鐘.. 天黑晒啦… 食完飯就開始去美瑛 tomte rum pension.. 訂呢間 pension 都係因為之前睇到網友大力d相 覺得個唔錯, overall 都 ok 啦, 狗狗好nice.. 住客唔多. 除左我地..只有兩位太太帶住兩位小朋友，其中一個小女孩好可愛。 tomterum

今次坐 JAL 機去日本，大約3點鐘左右到達成田空港。之後再轉機去札幌， 但因為成田機位full既原故，由東京去札幌的一程內陸機就要轉去羽田機場搭，所以到達成田空港之後就坐 Limousine bus 轉機場。 去到羽田空港發現之前18:30 個班機 delay 左去19:30 咁我地就變左可以坐早一班往札幌既機 .. 真好… 酒店 check-in 完都成十點 (咁轉機法真係好浪費時間)。就拿拿聲出去覓食.. 第一日都係拉麵溫飽d好… 條街又濕又烏糟，千祈唔好以為札幌真係純白的！哈哈! 行左幾個字去到『味之時計台』, 當然係整碗拉麵加餃子再要加杯啤酒啦!!食飽暖晒又起行返回酒店~! 第一日基本上係唔可能係有行程既一日，如果你會計劃第一日去呢到去個度，你真係要反省吓啦.. 但如果你係坐零晨機另計, 哈哈!